Sale Isnin Semoo
Ari ni sunyi jah opih kawe. Doh la opih hok tok rama ore doh. Bilo takdok 2-3 ore pon raso sunyi doh la. Tamboh-tamboh pulok hok kecek banyok & berehi wat lawok cuti. Koho la sunyi. Sore cuti sebab wife beranok. Tahniah la Wan deh. Buleh sapase doh dio. Hok baru ni -hero. Come sungguh anok dio. Kawe gi tengok male takdi. Semoga jadi anok soleh deh. Namo pon come - Wan Danish Amsyar. Tulong doa la etek deh. Nok cari saing ko anok daro kawe ghetek, sie dio dok main 'sore.
Come hero nih
Pasange suami isteri opih ni pulok gi bercuti di Saboh. Gi bercuti tok ajok K.Sah dih. Demo duo ore ni jupo jodoh di syarikat ni. Alhamdulillah, bahagio jah napok. Mesro sokmo. Engineer ni dok jeling-jeling purchasing officer EZSB ruponyo sebelom ni dih. Senyak-senyak demo ni saing. Panda sungguh demo ni tutup. Tahu-tahu jah nok tune. Loni buleh anok sore doh eh. Kijo sebumbung ni keno panda ejah. Tok keno gayo ko dok mucung la mari kijo kalu ado seleh gak. Tapi Alhamdulillah, setakat ni profesional duo ore ni.
Ni gambar maso demo ni nikoh
Kawe pon tok sabar nok cuti jugok ni. Dok ingat nok balik kapong jah ni. Sie ko mek nge abah la dok buat preparation adik kawe hok nok nikoh tu. Kawe ado sebut pasal dio di entry ni. Loni mek nge abah dok duo ore tu jah di kapong. Anok-anok besa blako doh. Masing-masing pakat ado kuargo blako doh. Kalu buje pon dok kijo jauh. Kironyo 3 ore la tok nikoh lagi adik kawe. Lepah hok ni nikoh gak tinggal 2 ore lagi. Mitok-mitok majlis tu nati berjale lacar molek la. Mek nge abah tu dok gi mari tubek bandar Krai beli bare nok bekwoh. Rusing jugok la takut letih dok gi mari tu. Nok ambek cuti awal pong tok leh. Mr Abe kito tu baru pindoh kijo. Under probation lagi. Pakat doa blako la deh..
Ari ni sunyi jah opih kawe. Doh la opih hok tok rama ore doh. Bilo takdok 2-3 ore pon raso sunyi doh la. Tamboh-tamboh pulok hok kecek banyok & berehi wat lawok cuti. Koho la sunyi. Sore cuti sebab wife beranok. Tahniah la Wan deh. Buleh sapase doh dio. Hok baru ni -hero. Come sungguh anok dio. Kawe gi tengok male takdi. Semoga jadi anok soleh deh. Namo pon come - Wan Danish Amsyar. Tulong doa la etek deh. Nok cari saing ko anok daro kawe ghetek, sie dio dok main 'sore.
Come hero nihPasange suami isteri opih ni pulok gi bercuti di Saboh. Gi bercuti tok ajok K.Sah dih. Demo duo ore ni jupo jodoh di syarikat ni. Alhamdulillah, bahagio jah napok. Mesro sokmo. Engineer ni dok jeling-jeling purchasing officer EZSB ruponyo sebelom ni dih. Senyak-senyak demo ni saing. Panda sungguh demo ni tutup. Tahu-tahu jah nok tune. Loni buleh anok sore doh eh. Kijo sebumbung ni keno panda ejah. Tok keno gayo ko dok mucung la mari kijo kalu ado seleh gak. Tapi Alhamdulillah, setakat ni profesional duo ore ni.
Ni gambar maso demo ni nikohKawe pon tok sabar nok cuti jugok ni. Dok ingat nok balik kapong jah ni. Sie ko mek nge abah la dok buat preparation adik kawe hok nok nikoh tu. Kawe ado sebut pasal dio di entry ni. Loni mek nge abah dok duo ore tu jah di kapong. Anok-anok besa blako doh. Masing-masing pakat ado kuargo blako doh. Kalu buje pon dok kijo jauh. Kironyo 3 ore la tok nikoh lagi adik kawe. Lepah hok ni nikoh gak tinggal 2 ore lagi. Mitok-mitok majlis tu nati berjale lacar molek la. Mek nge abah tu dok gi mari tubek bandar Krai beli bare nok bekwoh. Rusing jugok la takut letih dok gi mari tu. Nok ambek cuti awal pong tok leh. Mr Abe kito tu baru pindoh kijo. Under probation lagi. Pakat doa blako la deh..
No comments:
Post a Comment